الشهيد فداء نبيل قاسم

الشهيد فداء نبيل قاسم

ريف دمشق | بلدة عين منين

السنة الثانية | كلية السياحة | جامعة دمشق

13/07/1991 - 20/08/2012

معتقل ثم معتقل ثم معتقل فشهيد

ناشط إعلامي وميداني في العمل الإغاثي والإسعافي. اعتقل ثلاث مرات, مدة الواحدة منها الشهر تقريبا, وكان دائما يخرج من المعتقل أكثر اصراراً و عزيمةً على مواصلة طريق الحرية.

استشهد برصاصة قناص في رقبته أثناء اقتحام قوات الأسد لبلدته, حيث ساهم مع شباب الجيش الحرّ على صدّ هذا الهجوم الهمجي.

وبحسب شهادة عيان, علمنا أن فداء هتف مكبّراً بعيد إصابته البالغة.

 

أخر ما كتبه الشهيد فداء قاسم في حسابه الشخصي (الفيسبوك)

قد يؤجل الله نصراً ما ..

كي تزيد قيمته في عين طالبيه, ولايفرّطوا به بعدها أبداً !

اللهم اجعل نصرنا في سورؤا نصراً مؤبداً

بقلم والده Nabil Kassem :
- طريقك إلى الجنة بماء و خضراء و آراء تثلج قلوب الاصدقاء و تمحق تعنت الاعداء 1

- كنت شهما" لفعل الخير نهما" و بقلب أعدائك سهما" .... رحمك الله 2

بقلم أخ الشهيد  Fouad Ka :
رحلت مبكرا يا فداء ... ولكن كان هذا حلمك ... وقد حققته
إلى همتك العالية التي تثير الحماس في نفوس الشباب ...نعم لقد نذرت روحك فداء لحرية الوطن ... لحرية السوريين المقهورين .... نعم يا فداء لقد فتحت لنا مسارا نمشي فيه ... دربا نتتبع به خطواتك .... حتى نصل إلى ما وصلت إليه...... نم مطمئنا يا فداء فنحن سائرون في درب الحرية والكرامة.

بقلم Abo Zafer SY:
قاعد عالنت على كنبايته المعهوده وكانت مكسورة رجله
سبب الكسر يمكن اغلبكم مابيعرفه
كنت انا وياه بمظاهره بالميدان من اجمل مظاهرات حياتي لما كان فيها ثلاث تجمعات وانحرق فيها كشك العوايني.. ام من كتر العدد شافو واحد بيعرفوا ام قلو الله يخليك ف
دائو نظملنا الشباب اللي ورا وخليهم يمشو وراي لانه وقتها صارت فوضى شوي .. ام صار يركض يمين شمال ويهتف بالناس ويوجه العالم الله يرجمو .. هوي عم يمشي ويركض بين الناس
فكشت رجله وكانت عم توجعه خير الله وما بنسى كيف بلع وجعه ومشي ليهربنا رغم انه مابيعرف شي بالميدان بس منشان يطمن العالم كان يمشي قدامنا وهوي عم يعرج وعم يموت من الوجع وانا ماشي جنبه ام حلف علي وقلي وقف على جنب لحتى طلع عالشارع هوي واتأكد انه مافي حدا وبعدها طلعنا عالتاكسي
وحلفت عليه يطلع لعندي ينام وقتها مارضي .. طلع على منين
لانه مو حابب يورجيني انه هوي عم يتوجع وضعيف
لك اااخ طول عمري بقوى فيك والله


بقلم صقر عين منين:
قالوا في شهداء كثير قدمت أكثر من فداء قاسم
رديت بس فداء قدم كل شي بيقدر عليه النا
قالوا كأنكم شوية تانية راح تساوه من الصحابة
رديت لو شو ماساوينا ماراح نقدر نكافي مين طلب الشهادة
قالوا كأنكم نسيتم باقي الشهداء عند فداء
رديت كل الشهداء أف
ضل منا بس فداء بقلبي كان اله شي تاني
قالوا ممكن تقلنا شو عمل فداء
رديت شلون بدي أوصف ألكم ملك الشهامة
/ الثورة مابتنسى حدا ياأبوحمزة /



بقلم أحد أصدقاء الشهيد فداء قاسم:
الي مدة ناطرة ترد على المسج وعم قول وينو فداء ؟
لك كان مستعجل ومحروق دمو يلتحق بكتيبة بنص الشام ...ولما خبرتو انو زبطت امورو, معد رد .... وحياة يلي خلقني مبارح كنت عم استفقدك وقول لحالي وين غاطط ....هلاء وبالصدفة مرئ الخبر فكرت اعتقلوك للمر
ة الخامسة ....ادايقت عنجد وقلت ياربي هلاء مو وقتها يعتقلوك لانو معد اعرف ايمتى ممكن تطلع ...
بس لما كملت وقرأت استشهاد الشاب فداء ... ما صدقت ...ولهلاء ماني مصدقة ...
مو معقول عنجد انا معد شوفك فداء ؟ عنجد !!!!
ياغليظ يا طويل اللسان ماعاد تلعيلي قلبي بمزحاتك ؟
مابدك ترجعلي الكميرا يلي من وقت ما اعتقلوك وطلعت مارجعتلي ياها ؟
لك مو وعدتني تجبلي فرشة .... مشان وقت بدي انزح مانام على الارض ؟
لك وينك مابدك تلتحق بكتيبة بنص الشام لانو الشغل بالتل وعين منين معد عبى عينك ؟
لك ارجاع امانة ... في الك علم استقلاااااااال كبييير لازم رجعلك ياه الو شي شهوووور عندي ؟
لك فداء يافداء والله العظيم اني أمنتلك الطلب يلي طلبتو مني ....وبعتلك مسج وخبرتك انو صارت جاهزة ...امانة فوت عليها وأتأكد
صحي نسيت انك بتحب ناديلك ابو حمزة من وقت ما مسكت سلاح ونويت الشهادة ... الله يرحمك ويجعل مثواك الجنة ...
كتبت وقت اعتقلوك ...اعتقلو الغالي ...
وهلاء بقلون وقت قتلوك ... قتلوا الغالي ...قتلوه

آخر تسجيل بين الشهيد وأحد أصدقائه

http://www.youtube.com/watch?v=aJwd_4ewyrk

 20/08/2012

موكب التشييع

http://www.youtube.com/watch?v=beP5Wp4HqMQ

بروفايل الشهيد

Abo Hamza 

  صهر وابن عم الشهيد
مجدي قاسم  Majdi Kassem

الشهيد فداء قاسم