Searching...

الأربعاء، 13 يونيو 2012

الشهيد الرقيب أول عبد القادر لولو

الشهيد الرقيب أول عبد القادر لولو
نائب قائد كتيبة أسد الله الغالب (الرستن)
محافظة طرطوس | مدينة بانياس

انشق عن الخدمة العسكرية منذ بدايات الثورة, ودّع أهله والتحق مع رفاقه بصفوف الجيش الحر في الرستن.
استشهد أثناء مشاركته في الهجوم على أحد الحواجزالعسكرية في الرستن بتاريخ 13/06/2012









بقلم أحمد أبو الخير:
صورة بكاميرتي نشرتها في مدونتي عام 2008 لـ شهيد بانياس الجميل "عبد القادر لولو" الذي استشهد في معركة ضد جيش الطاغية في الرستن.

الصورة للشهيد عبد القادر في جامع الإيمان بدمشق، أثناء حضوره دورة لمدة 15 يوماً للاستماع لصحيح البخاري.

عبد القادر كان انشق عن الجيش السوري هو وشقيقه عبد الرحمن، في حين اضطرت عائلتهما للخروج خارج سوريا.
 


بقلم نور اليقين:
وقت انشقيت يا أخي انشقيت ومعك سلاحك عمري ما بنسى وقت قلتلي يا أختي كل يوم بقبل سلاحي وهو أغلى شي بحياتي
اااااااااايه يا زمن شو اللي عم يصير وعند استشهادك فاضت روحك الى بارئها وبإيدك سلاحك
وينك يا خي تقبل يلاحك
وينك يا غاااالي تضم سلاحك
سلاحك بنااااديك مشتقلك مشتااااق للمسة إيدك بس يبدو مانك سامعو أو سامعو وما عاد بدك تقبلو تركت السلاح لغيرك ينال متل ما نلت
الله يتقبلك ويهنيك يا خي من لحمي ودمي بس دمك غير دمي

صورة قد قمت بإلتقاطها و ثلاثة ممن تواجدوا فيها قد نالوا شرف الشهادة سويةً وهم من اليمين إلى اليسار :
يعقوب عيسى من الحسكة
عبد القادر لولو من بانياس
سعيد أيوب من الرستن
رحمهم الله جميعاً
 


بقلم سعد أحمد حمد :
نيالك , هالكلمة معناها كبير وقت نقولها لأمثالك , من أيام الطفولة ونحنا ننزل عالجامع سوا ندرس عند الشيخ محمود عيروط اخوه للشيخ أنس وابن الشيخ عبد الرحمن عيروط الله يرحمه , لهلأ بتذكر قديش كنت هادي ورايق بالحصة , بس كمان مافيني انسى قديش كنت جريء وبطل , يمكن هالشي ما حدا بيذكروا

غير أنا وأخوك الشيخ مصطفى الله يوجهله الخير , لهلأ بتذكرك وقت كنت تجادل وتناقش بحدة , ماكنت تسكت عن غلط ولا تجاملنا , والأهم من هاد انك كنت سابقنا بحفظ القرآن , بس ماكنا نزعل لأن انت حفيد الشيخ مصطفى وطبيعي تكون هيك , أيام عم اتذكرها ولحظات عم تمشي قدامي وتخطر ببالي كأني هلأ عم ارجع عيشها , آآآآآآخ يا عبد القادر , شايف كيف رجعتنا صغار , نيال أبوك وأمك وأخواتك فيك , ونيالك على هالشهادة يلي كلنا متمناها , الله يرحمك يا بطل .

وإنت يا مصطفى رح قلك إنو ما تزعل على أخوك لأن كمان نحنا إخواتك , وإن شاء الله رح ناخد بتاره وتار الكتار من ولاد البلد , ورح ناخد بتار سوريا كلها بإذن الله , الله يرحم أخوك البطل , وسلامي لأهلك جميعاً , وعظم الله أجركم وأحسن الله عزائكم .


برومو الشهيد البطل عبدالقادر لولو | عميد شهداء بانياس
 http://www.youtube.com/watch?v=4alhuUL080M
http://www.youtube.com/watch?v=oigUWmNvQGY

الأربعاء، 13 يونيو 2012 | | | |

ليست هناك تعليقات :

إرسال تعليق

 

Receive All Free Updates Via Facebook.