Searching...

الثلاثاء، 13 نوفمبر 2012

الشهيد تاج الدين محمد القطيني


الشهيد تاج الدين محمد القطيني
الجيش السوري الحر
محافظة إدلب | مدينة معرّة النعمان
طالب في المعهد الزراعي | جامعة حلب
1988 - 13/11/2012 

شابٌّ معروف بخُلقه والتزامه بدينه, شارك في مظاهرات المعرّة, ثم التحق بصفوف الجيش الحر.
استشهد جراء القصف الذي طال مدينة خان شيخون عندما استُهدف المنزل الذي كان مقيماً فيه.


 .

الله يرحمك يا تاج .... شاب نشأ في عبادة الله ... حافظ لعدة أجزاء من القرآن ... طيب جدا وخلوق ... محبوب بين اصدقائه ... ودع الكثير من أصدقائه خلال الثورة ... كما أنه نجى من الموت عدة مرات ... كان يتظاهر في مظاهرات المعرة وبعدها إنضم الى الجيش الحر ... وإختاره الله ليكون من الشهداء .... الشاب وحيد على خمس بنات .... إبن عائلة كريمة مدلل والديه والعائلة كاملة ... أبى ان يعيش في ظل القمع والاستبداد فثار ضد هذا النظام الفاسد الظالم المجرم ... فإختاره الله ليكون من بين الشهداء إن شاء الله .... رحمك الله يا تاج المعرة ... وأسكنك الله فسيح جناته بين الشهداء والانبياء والصالحين وجعلك شفيعا لأهلك .... وصبر الله والديك وصبرنا الله على فراقك يا تاجو .

بقلم جمال واكي:
رحمة الله عليك يا تاج شباب شهيدنا من طلاب المعهد الزراعي و الو مشاهد بطولة بجامعة حلب ففي احد المرات جعل هو و بعض الشباب الأحرار يتلاعبون على الدرج بين كلية العلوم و كلية الزراعة تاج و رفقاته يكبرو من تحت يجو الشبيحة لتحت يكبرو الشباب من فوق يطلعو الشبيحة لفوق و ع هيك و متلو كان من اوائل الطلاب يلي طلعت مظاهرة بجامعة حلب لك شو بدي احكيلكن عنو آخ يا تاج
الثلاثاء، 13 نوفمبر 2012 | | | | |

هناك تعليقان (2) :

  1. الله يرحمك يا روحي يا ريت أنا يلي متت وأنت ما صابك شي أنت شفيع لكلنا بأذن الواحد اﻷحد أنا مناف السيد

    ردحذف
  2. مرة كنا بجامعة حلب وقام صارت مظاهرة وصارو بضربو قنابل صوتية وقنابل غازية وصارو يعتقلو الطﻻب ع المﻷ قام تاج مسكني من أيدي وهربنا أنا كل ما بتذكر هالقصة ببكي من حرقة قللبي عليه وكتيير كنا نلعب شدة ونروح مطاعم باريت راح بيتي وراحت عيوني وراحت روحي وتدمرت سوريا كﻻ وتاج ضل عايش أنا بنطر كل يوم يجيني تاج بالمنام بس الحمد لله أجاني مرتين بالمنام ومرة منن كان ليبس أبيض وبدو ياجدني معو أنا وحيد بدون تاج أنا يتيم بدون تاج وحياتك عندي ياتاج مارح أنساك الموت وحدة بيقدر ينسيني ياك ...مناف السيد

    ردحذف

 

Receive All Free Updates Via Facebook.